Watatu wauawa kwa kupigwa risasi Bangkok

Video zilizosambaa kwenye mitandao ya kijamii zimewaonesha watu wakikimbia kutoka eneo maarufu na lenye maduka la Siam Paragon ambalo hutembelewa sana na watalii.

Waziri Mkuu Srettha Thavisin amewaambia waandishi wa habari kwamba mshambuliaji amekamatwa na polisi na hadi sasa hali imedhibitiwa. Tukio hili linajiri siku chache kabla ya kumbukumbu ya mwaka mmoja wa tukio baya ambapo afisa wa zamani wa polisi aliwaua watoto 24 na watu wazima 12.

Hayo yakiarifiwa,  Thailand inakumbwa na mafuriko yaliyoharibu nyumba zaidi ya 4,000 katikati mwa nchi hiyo, baada ya Mto Yom kuvunja kingo zake kufuatia mvua kubwa za masika. Maafisa wanaonya kwamba mvua zinazotarajiwa, zinaweza kusababisha mafuriko katika mji mkuu wa Bangkok.