Urusi yapinga azimio la kusitisha vita Sudan

Azimio hilo lilipendekeza pia hatua ya kupelekwa msaada wa kibinadamu kwa mamilioni ya watu wanaohitaji. China ambayo ni mshirika wa Urusi pamoja na mataifa mengine wanachama waBaraza la Usalama la Umoja wa Mataifa waliliunga mkono azimio hilo lilowasilishwa na Uingereza pamoja na Sierra Leone. Waziri wa mambo ya nje wa Uingereza David Lammy, aliyeongoza mkutano huo katika Umoja wa Mataifa aliliambia baraza hilo kwamba hatua ya Urusi ni fedheha. Katika wiki za hivi karibuni Umoja wa Mataifa ulitahadharisha kwamba Sudan imeshafika ukingoni kutumbukia kwenye baa la njaa.