Zelenskiy asema nchi yake yahitaji silaha za masafa marefu

Zelenskiy ameyasema haya katika ziara yake huko Jamhuri ya Czech, wakati ambapo Umoja wa Ulaya umesema utatoa yuro milioni 500 kwa ajili ya kuongeza utengenezaji wa silaha kwa ajili ya Ukraine.

Wawakilishi wa Baraza na Bunge la Ulaya wamefikia makubaliano hayo usiku wa kuamkia leo, na utekelezaji wake unatarajiwa kuanza kabla mwisho wa mwezi huu.

Haya yanafanyika wakati ambapo Ukraine imesitisha juhudi za uokoaji katika mji wa magharibi wa Lviv ambapo kulingana na Zelenskiy, idadi ya waliofariki kutokana na shambulizi la Urusi katika jengo moja la makaazi imefikia watu 10 sasa.

Polisi ya Ukraine inasema watu 45 wakiwemo watoto wamejeruhiwa katika shambulizi hilo.