1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaPeru

XI, Biden kukutana chini ya kivuli cha kurejea kwa Trump

Saumu Njama
16 Novemba 2024

Rais wa Marekani Joe Biden na Rais wa China Xi Jinping wanakutana Jumamosi hii pembezoni mwa mkutano wa APEC nchini Peru, wakikabiliwa na changamoto mpya baada ya ushindi wa Donald Trump.

https://p.dw.com/p/4n4M3
Xi Jinping na Joe Biden
Rais wa Marekani na mwenzake wa China wakutana pemebezoni mwa mkutano wa kilele wa APEC.Picha: Li Xueren/Xinhua/picture alliance

Mkutano huu unalenga kuimarisha uhusiano kati ya Marekani na China huku ukilenga pia kuhakikisha ushindani haugeuki kuwa mgogoro. Trump ameashiria msimamo mkali dhidi ya China, akitishia ushuru wa asilimia 60 kwa bidhaa za China.

Biden na Xi wameonya kuhusu nyakati za misukosuko zijazo, huku Biden akisisitiza umuhimu wa ushirika wake na Japan na Korea Kusini. Trump amerudi na sera ya "Amerika Kwanza" ambayo inaweza kuhatarisha ushirikiano uliopo kwenye masuala ya kimataifa.

Soma pia: APEC kuzingatia zaidi masuala ya usawa na mazingira

Jumuiya ya APEC, iliyoundwa mwaka wa 1989 kwa lengo la kukuza biashara huria ya kikanda, inazijumuisha nchi 21 ambazo kwa pamoja uchumi wake unawakilisha takriban asilimia 60 ya pato la taifa la dunia na zaidi ya asilimia 40 ya biashara ya kimataifa.