1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroUjerumani

Waziri wa Maendeleo wa Ujerumani alizwa na hali ya Sudan

Iddi Ssessanga
28 Novemba 2024

Waziri wa Maendeleo ya Uchumi wa Ujerumani, Svenja Schulze amezungumzia janga kubwa la kibinadamu nchini Sudan kufuatia ziara yake ya hivi karibuni katika eneo hilo, na kuisifu Chad kwa mshikamano licha ya umaskini.

https://p.dw.com/p/4nVSD
Chad, Adré | Mpaka na Sudan
Waziri Schulze akiwa katika mazungumzo na waziri wa mambo y anje wa Chad Abderaman koulamallah.Picha: Katharina Kroll/DW

Katika mahojiano maalumu na DW Afrika, Schulze alielezea hali ilivyo kwenye mpaka wa Sudan na Chad, ambako maelfu ya wakimbizi, hasa wanawake na watoto, wamekimbia machafuko.

Ameisifu Chad kwa mshikamano wake licha ya kuwa moja ya nchi masikini zaidi, na kuuhimiza ulimwengu kuchukua hatua.

Soma pia: Waziri wa Ujerumani atahadharisha juu ya ushawishi wa Urusi barani Afrika

Schulze pia amebainisha kuwa mgogoro huo umepuuzwa kutokana na migogoro ya Mashariki ya Kati na Ukraine, akitoa wito kwa uhamasishaji mkubwa wa kimataifa na shinikizo kwa pande husika.

Amekariri msimamo wa Ujerumani wa kuzuia silaha kufika kwenye mgogoro huo na kusisitiza umuhimu wa ushirikiano wa kimataifa, hasa na Umoja wa Afrika, kukabiliana na mgogoro huo wakati Marekani inapojiondoa kwenye dhima yake ya jadi.