1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaHong Kong

Waratibu wa mkesha wa Tiananmen wahukumiwa kifungo

Tatu Karema
11 Machi 2023

Waandalizi watatu wa zamani wa mkesha wa kila mwaka wa Hong Kong wa kuwakumbuka wahanga wa ukandamizaji wa China wa mwaka 1989 dhidi maandamano ya demokrasia, leo wamehukumiwa kifungo cha miezi minne na nusu gerezani

https://p.dw.com/p/4OXqv
China I Hongkong I Tiananmen
Picha: Kin Cheung/AP/picture alliance

Watu hao wamehukumiwa kwa kushindwa kuipa mamlaka maelezo kuhusu muungano wao kulingana na sheria ya usalama wa kitaifa. Chow Hang-tung, Tang Ngok-kwan na Tsui Hon-kwong walikamatwa wakati wa msako huo wa mwaka 2021 kufuatia maandamano makubwa zaidi ya miaka mitatu iliyopita.

Watatu hao walikuwa viongozi wa Muungano wa Hong Kong wa kuunga mkono harakati za demokrasia za kizalendo walipatikana na hatia wiki iliyopita. Chini ya utekelezaji wa sheria hiyo ya usalama, mkuu wa polisi anaweza kuomba habari tofauti kutoka kwa wakala wa kigeni. Kushindwa kuzingatia ombi hilo kunaweza kusababisha kifungo cha miezi sita jela na faini ya dola 12,740 iwapo utapatikana na hatia.