Wanawake 23 wafa maji Sudan

Shirika la habari la serikali, SUNA limeripoti leo kuwa boti hiyo ilikuwa na watu 29 wakati inazama siku ya Ijumaa kwenye jimbo la Sennar.

Abiria wote walikuwa wanawake, isipokuwa nanodha ambaye amenusurika pamoja na abiria wengine watano. Taarifa hiyo haikuelezea sababu za ajali hiyo.

Kwa mujibu wa SUNA, miili 13 iliopolewa na wafanyakazi wa uokozi wanaendelea kuitafuta miili mingine 10.

Wanawake hao walikuwa vibarua katika mashamba kwenye eneo la Souki na walikuwa wakirejea nyumbani wakati boti hiyo ilipozama.

Mto wa Blue Nile ni njia muhimu ya watu na bidhaa kwenye taifa hilo la Afrika.