1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAfrika

Wanamgambo wa RSF wa Sudan watuhumiwa kuwaua watu 40

Rashid Chilumba
20 Novemba 2024

Tabibu mmoja wa nchini Sudan amesema watu 40 wamekufa kutokana na majeraha ya risasi wakati wa shambulizi lililofanywa na kundi la wanamgambo wa RSF kwenye kijiji cha Wad Oshaib katikati ya mkoa wa Al-Jazira.

https://p.dw.com/p/4nDJk
Sudan Omdurman 2024 | Anhaltende Kämpfe
Wanajeshi wa jeshi la Sudan wakipiga doria katika eneo la Khartoum Kaskazini Novemba 3, 2024. Vita vya Sudan vilianza Aprili 2023.Picha: Amaury Falt-Brown/AFP

Mashuhudia kwenye kijiji hicho wameliambia shirika la habari la AFP kwamba wanamgambo wa RSF, walio vitani dhidi ya jeshi la taifa tangu Aprili mwaka jana, walikishambulia kijiji cha Wad Oshaib jana jioni.

Shuhuda mmoja amesema mashambulizi yalifanywa tena leo asubuhi na wapiganaji wa  RSF  walikuwa wakipora mali.

Soma pia:  Zaidi ya watu 120 wauawa katika ghasia za RSF-Sudan

Tabibu kutoka hospitali ya Wad Rawad ameiambia AFP kuwa watu 40 waliopoteza maisha ilitokana na majeraha ya risasi.

Amezungumza kwa sharti la kutotambulishwa kwa sababu za kiusalama. Shambulizi hilo ni la hivi karibuni kabisa katika wimbi la machafuko yanayoongezaka kati ya jeshi la taifa la Sudan na wanamgambo wa RSF kwenye mkoa Al-Jazira.