1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAfrika

Wanamgambo Kongo washambulia na kuuwa watu 26

John Juma
25 Oktoba 2023

Washambuliaji wanaoshukiwa kuwa wanamgambo wenye misimamo mikali ya dini ya Uislamu wamewaua watu 26 kwa kutumia panga usiku wa kuamkia Jumanne jana katika mji wa Oicha, mashariki mwa jahuri ya Kidemokrasia ya Congo.

https://p.dw.com/p/4Y0MO
Askari wakiwa katika oparesheni za kijeshi Beni Jamhuri ya Kidemokrasia ya Kongo
Askari wakiwa katika oparesheni za kijeshi Beni Jamhuri ya Kidemokrasia ya KongoPicha: Alain Uaykani/Xinhua/IMAGO

Jeshi la Kongo pamoja na meya wa mji huo wamethibitisha hayo na kulituhumu kundi laADF kuhusika na shambulizi hilo.

Msemaji wa jeshi eneo hilo Antony Mwalushayi amesema shambulizi hilo dhidi ya raia, linaaminika kuwa ulipizaji kisasi dhidi ya mashambulizi ya hivi karibuni ya jeshi.

Soma pia:Wanajeshi wa Monusco kuondoka Kongo ifikapo Disemba

Amewaambia waandishi habari kwamba wanamgambo walitumia panga badala ya bunduki ili vikosi vilivyoko karibu visisikie milio ya risasi.