Visa vya kipindupindu vyaripotiwa Kenya kufuatia mafuriko

Shirika la Afya Duniani, WHO, limesema wagonjwa 44 wa Kipindupindu wameripotiwa katika Kaunti ya Tana River, moja ya maeneo yaliyoathiriwa zaidi na mafuriko.

Soma pia: Ruto aahidi kuhamishwa wananchi ambao wamekubwa na mafuriko

Mratibu mkaazi wa Umoja wa Mataifa nchini Kenya, Stephen Jackson, katika mahojiano na kituo cha televisheni cha Citizen, alisema anaamini kuwa kwa ushirikiano kati ya serikali na washirika wa kitaifa na kimataifa, watafanikiwa kuzuia kuenea kwa ugonjwa huo.

Kulingana na takwimu za hivi karibuni zilizochapishwa na vyombo vya habari vya ndani, mafuriko nchini Kenya yamesababisha vifo vya watu 238 huku zaidi ya watu wengine 200,000 wakiwachwa bila makao rasmi.