1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAfrika

Viongozi wa Jumuiya ya SADC kujadili machafuko ya Msumbiji

Bakari Ubena
15 Novemba 2024

Viongozi wa Jumuiya ya Maendeleo ya Kusini mwa Afrika SADC wanatarajiwa mwishoni mwa juma hili, kukutana katika mji mkuu wa Zimbabwe Harare, kuujadili mzozo wa Msumbiji.

https://p.dw.com/p/4n183
Viongozi wa Jumuiya ya Maendeleo ya Kusini mwa Afrika SADC
Viongozi wa Jumuiya ya Maendeleo ya Kusini mwa Afrika SADC katika moja ya mikutano yao iliyopita. Picha: Tafara Mugwara/Xinhua/IMAGO

Siku ya Jumatano, watu wawili waliripotiwa kuuawa mjini Maputo baada ya polisi kujaribu kuyazima maandamano ya upinzani huku mpaka na Afrika Kusini ukifungwa.

Msumbiji imetumbukia katika mzozo wa kisiasa baada ya upinzani kuyapinga matokeo ya uchaguzi wa Oktoba 9 ambayo yamesababisha maandamano ya mara kwa mara.

Upinzani unasema kuwa matokeo yamechakachuliwa na kukipendelea chama tawala cha FRELIMO. Mataifa mbalimbali ikiwemo Afrika Kusini yametoa wito wa kurejeshwa hali ya utulivu na utawala wa sheria nchini Msumbiji.