Urusi yashambulia miundombinu ya nishati Ukraine

Gavana wa Mykolaiv Vitaliy Kim amesema kupitia mtandao wa mawasiliano wa Telegram kwamba wahandisi wamefanikiwa kurejesha umeme katika sehemu kubwa iliyoshambuliwa.

Gavana huyo amefahamisha kuwa, hakukuwepo majeruhi na kwamba mfumo wa ulinzi wa anga umefanikiwa kuangusha droni mbili zilizoshambulia eneo hilo.

Ama kwa upande mwengine, gavana wa Zaporizhzhia Ivan Fedorov amesema Urusi imefanya mashambulizi kadhaa kwa kutumia droni katika mkoa huo usiku wa kuamkia leo.

Shambulio hilo limesababisha majeruhi ya mtoto mmoja na kuharibu viwanda kadhaa pamoja na jengo moja la makaazi ya watu.