1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Asili na mazingiraAzerbaijan

Ulaya: Tutaongoza juhudi za kuzisaidia nchi masikini

18 Novemba 2024

Mjumbe wa Umoja wa Ulaya anayeshughulikia maswala ya mabadiliko ya tabia nchi Wopke Hoekstra amesema jumuiya hiyo itaongoza katika kutoa fedha kwa nchi masikini kupambana na ongezeko la joto duniani.

https://p.dw.com/p/4n7Tt
Uzalishaji wa hewa ukaa
Uzalishaji na usambazaji wa hewa ukaa unaofanywa na kiwanda hiki cha chuma. Mataifa masikini ndio yanaathirika zaidi na mabadiliko ya tabianchiPicha: Kevin Frayer/Getty Images

Hoekstra, amesema hayo leo Jumatatu na kuongeza kuwa nchi zote tajiri zinazochafua hewa zina wajibu wa kutoa mchango wao.

Umoja wa Ulaya ndiye mchangiaji mkubwa wa fedha za kusaidia nchi maskini kukabiliana na mabadiliko ya tabia nchi, lakini unataka mataifa makubwa kama China pia kuchangia.

Nchi zinazoshiriki mkutano wa kukabili mabadiliko ya tabia nchi wa COP29 mjini Baku Azerbaijan, zinapaswa kupata mkataba mpya, kupiga jeki juhudi za kupambana na athari za tabia nchi katika nchi maskini.

 Lakini mazungumzo hayo yamekwama kuhusu nani anapaswa kulipa, kwa kiwango gani na taratibu za mkataba wowote upya wa ufadhili.