1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
UchumiSenegal

Senegal yaanza uzalishaji wake wa kwanza wa mafuta

11 Juni 2024

Nchi ya Senegal imejiunga na kundi la nchi zinazozalisha mafuta wakati kampuni ya uchimbaji mafuta ya Australia ya Woodside Energy, ikitangaza kuanza mradi wake wa kwanza wa uzalishaji mafuta nchini humo.

https://p.dw.com/p/4gvHj
Senegal yaanza kuzalisha mafuta
Senegal yaanza kuzalisha mafutaPicha: DW

Kumekuwa na matumaini kuwa uzalishaji wa mafuta na gesi utaongeza mapato ya mabilioni ya dola nchini humo na kuchangia katika kuboresha uchumi wa Senegal.

Mradi huo unalenga kuzalisha mapipa 100,000 ya mafuta kwa siku. Sehemu kunakochimbwa mafuta pia kunapatikana gesi asilia.

Kampuni ya Woodside inamiliki asilimia 82 ya hisa katika mradi huo huku sehemu iliyobaki ikishikiliwa na kampuni ya nishati Petrosen, inayomilikiwa na serikali.

Ugunduzi wa maeneo ya mafuta na gesi mwaka 2014 uliibua matumaini makubwa kwa nchi hiyo inayoendelea, huku kampuni ya taifa ya nishati ikikadiria kuwa sekta hiyo itazalisha zaidi ya dola bilioni 1 kwa mwaka katika kipindi cha miongo mitatu ijayo.