1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaUjerumani

Scholz aiweka rehani serikali kwa kumtimua waziri wa fedha

Rashid Chilumba
7 Novemba 2024

Kansela wa Ujerumani Olaf Scholz amemfuta kazi Waziri wa Fedha Christian Lindner uamuzi unaoisambaratisha serikali ya muungano wa vyama vitatu aliyokuwa anaoingoza tangu mwaka 2021.

https://p.dw.com/p/4mj2D
Aliyekuwa waziri wa fedha wa Ujerumani, Christian Lindner
Aliyekuwa waziri wa fedha wa Ujerumani, Christian Lindner. Picha: JOHN MACDOUGALL/AFP

Kufutwa kazi kwa Lindner, kutoka chama cha Free Deomcrats (FDP), kilichokuwa mshirika ndani ya serikali ya Scholz kunafungua njia ya kuitishwa uchaguzi wa mapema na kuzusha sekeseke la kisiasa kwenye taifa hilo lenye uchumi mkubwa zaidi barani Ulaya.

Tofauti za kimtamzamo kuhusu namna ya kufadhili bajeti ya taifa zimetajwa kuwa chanzo cha Scholz kumtimua Lindner.

Hivi sasa Scholz atalazimika kuongoza serikali yenye idadi ndogo ya viti bungeni akiwa pamoja na chama kingine mshirika cha Walinzi wa Mazingira, "Die Grüne".

Scholz mwenyewe ametangaza kuuitisha kura ya imani kwa serikali yake mbele ya bunge la taifa Bundestag ifakapo Januari 15 mwaka ujao na iwapo atapoteza kura hiyo uchaguzi wa mapema utaitishwa.