Scholz aidhinishwa na chama chake kugombea tena Ukansela

Scholz anatarajiwa kuidhinishwa rasmi kwenye mkutano mkuu wa chama cha SPD utakaofanyika Januari 11.

Hayo yameelezwa na vyanzo viwili vya chama hicho cha kisosholisti na hivyo kumpa nafasi Scholz kuongoza kwa muhula wa pili iwapo atashinda kwenye uchaguzi huo. Kura hiyo inafanyika baada ya kuvunjika serikali ya mseto.

Scholz ameteuliwa kuwa mgombea wa chama cha SPD na hivyo kuuzima uvumi wa wiki kadhaa juu ya waziri wa ulinzi Boris Pistorius kujitosa katika kinyang'anyiro hicho cha kugombea Ukansela kwa tiketi ya chama hicho badala ya Olaf Scholz.