Rome. Juve yashushwa Serie B.

Mahakama yenye jukumu la kutoa hukumu katika kashfa ya kupanga matokeo ya mchezo wa kandanda nchini Italia imeamuru vigogo vya soka nchini humo, Juventus Turin , Fiorentina na Lazio kushushwa daraja la pili Serie B pamoja na adhabu ya kupoteza pointi.

Shirikisho la kandanda nchini Italia limesema mahakama hiyo pia imeamuru kuwa AC Milan itabaki katika daraja la kwanza Serie A lakini jumla ya ponti zake ilizopata katika msimu uliopita 44 , zitapunguzwa uamuzi ambao utasababisha timu hiyo kutokuwamo katika kinyang’anyiro cha kombe la mabingwa wa Ulaya , Champions league. Milan pia itaanza msimu ujao ikiwa nyuma kwa point 15.