1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAfrika

Rais wa Senegal anazitembelea Mali na Burkina Faso

Rashid Chilumba
30 Mei 2024

Rais mpya wa Senegal Bassirou Diomaye Faye leo ameanza ziara yake ya kwanza nchini Mali na baadaye ataelekea Burkina Faso akiwa na lengo la kuimarisha mahusiano na mataifa hayo.

https://p.dw.com/p/4gT6x
Rais wa Senegal Bassirou Diomaye Faye
Rais wa Senegal Bassirou Diomaye FayePicha: Zohra Bensemra/REUTERS

Faye alitua kwenye uwanja wa ndege wa mji mkuu wa Mali, Bamako leo mchana na alipangiwa kufanya mazungumzo na kiongozi wa kijeshi wa nchi hiyo Kanali Assimi Goita.  

Taarifa iliyotolewa na ikulu ya Senegal imesema ziara kama hiyo ni sehemu ya juhudi za kuimarisha mahusiano ya jadi na ya kidugu baina ya mataifa hayo. 

Soma pia:Kiongozi wa Senegal aombwa kusaidia kutatua mivutano iliyopo ECOWAS

Tangu alipoapishwa mapema mwezi April, Faye amekwishafanya ziara kadhaa kwenye mataifa ya magharibi mwa Afrika. Safari yake ya leo mjini Bamako na baadaye kwenye mji mkuu wa Burkina Fasso, Ougadogou itakuwa ya tisa. 

Kiongozi huyo aliyeshinda urais katika uchaguzi wa kihistoria nchini Senegal ameahidi kufanya kila awezalo kuzishawishi Mali, Burkina Faso na Niger zinazotawaliwa kijeshi kurejea ndani ya jumuiya yaECOWAS.