Rais Biden kwenda Hawaii baada ya kisa kibaya cha moto

Kwenye hotuba yake huko Milwakee, Wisconsin Biden amesema ataambatana na mkewe Jill kwenye ziara hiyo, huku akiahidi kuwasadia kwa kila namna watu wa Maui, baada ya hapo jana kujadiliana na gavana wa Hawaii, Josh Green.

Moto huo wa nyikani ulianza Agosti 8 kwenye baadhi ya maeneo ya Maui na kuuathiri pakubwa mji wa Lahaina.

Vikosi vya uokozi bado vinawatafuta wahanga, huku mkuu wa polisi wa Maui John Pelletier akiwaomba wakazi kuwa wavumilivu na kuendelea na maombi.