Raia wa Ecuador wanajiandaa kwa uchaguzi wa marudio.

Mgombea kutoka upande wa kambi ya siasa za mrengo wa kushoto, Luisa Gonzalez, ambaye yuko karibu na rais wa zamani, Rafael Correa, aliongoza kwa asilimia 33 ya kura baada ya asilimia 80 ya kura kuhesabiwa hapo jana. Mwenyekiti wa tume ya uchaguzi, Diana Atamaint, amesema matokeo ya uchaguzi huo yameonesha hakuna mgombea aliyevuka kiunzi cha kupata ushindi wa moja kwa moja baada ya zoezi hilo lililofanyika chini ya ulinzi mkali.Gonzalez huenda akapambana na Daniel Noboa aliyepata asilimia 24 katika uchaguzi wa marudio Oktoba 15. Ecuador inakabiliana na hali ngumu ya usalama kufuatia vurugu za magenge ya biashara ya mihadharati.