1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAsia

ICC yataka kukamatwa kwa mtawala wa kijeshi wa Myanmar

Bruce Amani
27 Novemba 2024

Mwendesha mashitaka wa Mahakama ya Kimataifa ya Uhalifu - ICC Karim Khan amewataka majaji kutoa waranti wa kukamatwa mkuu wa utawala wa kijeshi wa Myanmar kwa uhalifu uliofanywa dhidi ya jamii ya waislamu wa Rohingya.

https://p.dw.com/p/4nTma
Myanmar Bürgerkrieg und Menschenrechtsverletzungen | Min Aung Hlaing Chef der Militärjunta
Kiongozi wa kijeshi wa Myanmar anaetakwa na ICC Min Aung HlaingPicha: Aung Shine Oo/AP/dpa/picture alliance

Jenerali Min Aung Hlaing, aliyechukua madaraka kutoka kwa kiongozi aliyechaguliwa na wapiga kura Aung San Suu Kyi katika mapinduzi ya 2021, anatuhumiwa kwa uhalifu dhidi ya ubinaadamu kwa kufukuzwa na kuteswa Warohingya. Karibu watu milioni moja walilazimika kukimbilia nchi jirani Bangladesh kutoroka kile kilichoitwa kampeni ya maangamizi ya kikabila iliyohusisha ubakaji, mauaji na kuchomwa moto makazi. Kutoka kambi ya wakimbizi nchini Bangladesh, mwendesha mashtaka mkuu wa ICC Karim Khan amesema katika taarifa kwamba anakusudia kuomba vibali zaidi vya kukamatwa kwa viongozi wa Myanmar hivi karibuni. Amesema katika kufanya hivyo, mahakama hiyo itakuwa inaonyesha kwa pamoja na washirika wake, kuwa WaRohingya hawajasahaulika. Kwamba wao, kama tu walivyo watu wengine kote duniani, wana haki ya kulindwa na sheria.