1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Siasa

Mshukiwa anayetuhumiwa kutaka kumuua Trump asema hana hatia

Josephat Charo
1 Oktoba 2024

Mwanamume anayetuhumiwa kutaka kumuua rais wa zamani wa Marekani, na mgombea wa chama cha Republican uchaguzi wa Novemba 5, Donald Trump, amesema hana hatia katika kesi iliyosikilizwa Jumatatu West Palm Beach, Florida.

https://p.dw.com/p/4lGVx
Maafisa wa polisi wa Marekani katika uwanja binafsi wa kimataifa wa mchezo wa gofu wa Donald Trump.
Maafisa wa polisi wa Marekani katika uwanja binafsi wa kimataifa wa mchezo wa gofu wa Donald Trump.Picha: CHANDAN KHANNA/AFP

Mwanamume aliyetuhumiwa kwa kujaribu kumuua Donald Trump katika makazi yake huko Mar-a-Lago Florida, amekanusha mashitaka na kusema hana hatia hapo jana.

Ryan R aliingia chumba cha mahakama huko West Palm Beach akiwa amefungwa pingu na kuwapungia mikono waandishi habari waliokuwa wamekusanyika kuifuatilia kesi yake ikisikilizwa.

Mshukiwa huyo mwenye umri wa miaka 58 alikamatwa mnamo Septemba 15 akituhumiwa kwa kupanga njama ya kumuua mgombea huyo wa chama cha Republican katika uchaguzi wa Novemba 5 katika uwanja wake wa mchezo wa gofu.

Kesi hiyo ilikuwa imekabidhiwa jaji Aileen Cannon - mteule wa Trump aliyeitupa nje kesi ya uhalifu dhidi ya rais huyo wa zamani wa Marekani mapema mwaka huu kwa kuhifadhi nyaraka za siri katika makazi yake ya kibinafsi.