1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroAfrika

Misri yawahifadhi Wasudan milioni 1.2: UN

11 Novemba 2024

Mamia ya watu wanaokimbia vita kutoka nchini Sudan wamewasili kwenye nchi jirani ya Misri. Umoja wa Mataifa umesema wakimbizi hao wanaongezea idadi ya wakimbizi wengine wapato milioni 1.2 ambao tayari wamo nchini humo.

https://p.dw.com/p/4mrv3
Wakimbizi wa Sudan
Shirika la Wakimbizi la Umoja wa Mataifa linasema zaidi ya Wasudan milioni 1.2 wametafuta hifadhi Misri.Picha: AFP

Ripoti ya Shirika la Wakimbizi la Umoja wa Mataifa, UNHCR, iliyotolewa siku ya Ijumaa imeonesha kwamba takwimu za hivi karibuni kutoka kwa serikali ya Misri zinaonesha kuwa zaidi ya Wasudan milioni 1.2 wametafuta hifadhi nchini humo.

Soma pia: Sudan hali ni mbaya na hakuna ishara ya vita kumalizika

Mmoja kati ya maafisa wanaoshughulikia maswala ya uhusiano wa nje katika shirika la UNHCR nchini Misri, Christine Bishay, amesema kwa sasa Misri inawahifadhi wakimbizi zaidi ya laki tano wa Sudan ambao wamesajiliwa rasmi na shirika la wakimbizi, huku wengine wakisubiri kusajiliwa. Maalfu ya watu wameuawa tangu vilipoanza vita mnamo mwezi Aprili 2023 kati ya majenerali wapinzani nchini Sudan.