Mechi za Ligi ya mabingwa Ulaya kutimua vumbi tena leo

Ligi ya mabingwa barani Ulaya Champions league itatimua vumbi tena leo,  jumla ya mechi tisa zitapigwa katika viwanja mbalimbali.

Wawakilishi wa Ujerumani Bayern Munich watakua nyumbani kuialika PSG huku Bayer Leverkusen ikishuka dimbani kucheza na RB Salzburg, RB Leipzig itakua ugenini dhidi ya Inter Milan.

Barcelona itakuwa mwenyeji wa klabu ya Ufaransa Stade Brestois huku Arsenal ikitua katika uga wa Estadio Jose Alvalade, mjini Lisbon kucheza na Sporting Lisbon.Timu za kwanza kujitakatia tiketi ya mtoano Ligi ya Mabingwa

Kocha wa Bayer Leverkusen Xabi Alonso amelalamikia majeraha mengi katika kikosi chake akidai kwamba yanaiwia vigumu timu yake kucheza vyema kutokana na mrundikano wa mechi.

Alonso amesema kwa sasa ana majeraha ya wachezaji sita muhimu wakiwemo mshambuliaji Victor Boniface, viungo Jonas Hofmann na Martin Terrier na winga Amine Adli.