1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Siasa

Israel yakataa kuruhusu upelekaji misaada Gaza

12 Novemba 2024

Mashirika ya misaada ya kimataifa yameeleza leo kwamba Israel imeshindwa kuzingatia mapendekezo ya Marekani ya kuruhusu kupelekwa kwa misaada ya kiutu katika Ukanda wa Gaza uliokumbwa na vita.

https://p.dw.com/p/4mubX
Mzozo wa Mashariki ya Kati
Mashirika ya kiutu yasema Israel imeshindwa kuruhusu upelekaji misaada GazaPicha: OMAR HAJ KADOUR/AFP

Taarifa ya mashirika hayo inasema hali inazidi kuwa mbaya zaidi huko Gaza kuliko wakati wowote katika mzozo huo uliodumu kwa miezi 13.

Mwezi uliopita, utawala wa Rais Joe Biden ulitoa wito kwa Israel kuruhusu upelekaji wa chakula na misaada mingine ya dharura katika Ukanda wa Gaza, na kutoa muda wa siku 30 ambao umemalizika siku ya Jumanne.

Mashambulizi ya Israel yauwa zaidi ya watu 20 Lebanon

Marekani ilionya kuwa kushindwa kutimiza matakwa hayo, kunaweza kusababisha sheria za Marekani zinazoitaka kupunguza uungwaji mkono wa kijeshi.

Israel ilitangaza hatua kadhaa kuboresha hali hiyo lakini maafisa wa Marekani hivi karibuni waliashiria kwamba Israel bado haijafanya vya kutosha katika kushughulikia suala hilo.