1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAfrika

Ruto na Museveni kupatanisha Ethiopia na Somalia

Sudi Mnette
1 Desemba 2024

Viongozi wakuu wa Kenya na Uganda wamesema watasaidia kusimamia mazungumzo ya usluhishi kati ya Ethiopia na Somali, ambazo ziko kwenye mvutano unaotishia kuleta hali ya ukosefu wa utulivu pembe ya Afrika.

https://p.dw.com/p/4ncTA
Kenia Nairobi 2024 | Ugandas Präsident Museveni und Kenias Präsident Ruto bei Pressekonferenz
Rais wa Uganda Yoweri Museveni akiwa na Rais wa Kenya William Ruto jijini Nairobi Mei 16, 2024. Picha: Simon Maina/AFP/Getty Images

Rais William Ruto wa Kenya na mwenzake wa Uganda Yoweri Museveni wamesema wako tayari kuchukuwa jukumu hilo, huku Ruto akifafanuwa kwamba,ni kwasababu usalama wa Somalia  unachangia kwa nafasi kubwa uthabiti wa kanda hiyo, pamoja na mazingira ya uwekezaji na biashara. Ethiopiaambayo haina bahari  na ambayo ina maelfu ya wanajeshi wake ndani ya Somalia wanaopambana dhidi ya wanamgambo wa Alshabab wanaofungamana na kundi la Alqaeda, imeikasirisha serikali mjini Mogadishu kutokana na mpango wake wa kutaka kujenga bandari katika jimbo lililojitenga na Somalia la Somaliland.