Mfalme Charles wa tatu kuvikwa taji

Mfalme Charles wa tatu na Malkia Camillla wamewapongeza watu waliosimama kwenye barabara inayoelekea kwenye kasri la mfalme la Buckingham. Kutoka kwenye kasri hilo wamekwenda kwenye kanisa la Anglikana la Westminster Abbey, mjini London ambapo Mfalme Charles wa tatu atavikwa taji. Wanasiasa na watu mashuhuri kutoka sehemu mbalimbali tayari wapo kwenye kanisa hilo. Vijana kwa wazee kutoka Uingereza na maalfu ya watu wengine wamejipanga kandoni mwa barabara za katikati ya jiji la London ili kushuhudia wasaa huo wa kihistoria. Wakati huo huo polisi wamewakamata viongozi wa kundi la watu wanaopinga ufalme waliokuwa wamejipanga kufanya maandamano kwenye njia itakayotumiwa kwa ajili ya masafara wa Mfalme Charles wa tatu. Waandalizi wa maandamano wamesema viongozi wao sita wamekamatwa na mamia ya mabango yao pia yametwaliwa. Miongoni mwa waliokamatwa ni mkuu wa kundi hilo Graham Smith.