Kimbunga Yagi chasababisha vifo vya watu 14 Vietnam

Katika ripoti, idara ya utafutaji na uokoaji ya wizara ya ulinzi ya Vietnam, imesema kuwa vifo hivyo vinajumuisha watu wanne wa familia moja mapema leo wakati nyumba yao ilipoporomoka.

Waziri mkuu Pham Minh Chinh, alifanya mkutano kwa njia ya video na wawakilishi kutoka mikoa 26 na miji iliyoathiriwa na kimbunga hicho kujadili athari zake.

Soma pia:Kimbunga Yagi chawasili Vietnam baada ya kuipiga China

Mamlaka zimeripoti kwa Chinh kwamba zaidi ya nyumba 3,000 zimeharibiwa na hekta 120,000 za mashamba ya mpunga kujaa maji.

Mamlaka imeonya kuwa mafuriko na maporomoko ya ardhi yanaweza kutokea kwasababu ardhi katika eneo la milima imenyonya maji mengi zaidi.

Awali Kimbunga Yagi kilipiga na kusababisha uharibu mkubwa Ufilipino, ambapo watu 16 walikufa na nchini China ambapo takriban watu wanne walikufa.