Kim Jong Un: Ziara ya Urusi inaonyesha umuhimu wa kimkakati

Kim anatarajiwa siku ya Jumatano kushiriki mkutano wa kilele na  Rais Vladimir Putin wa Urusi. Mkutano huo unafuatiliwa kwa karibu na Marekani pamoja na washirika wake, ambao wana wasiwasi kuwa viongozi hao wawili watajadili ushirikiano wa kijeshi na huenda wakakubaliana juu ya mpango wa biashara ya silaha na teknolojia ya ulinzi.

Marekani na Korea Kusini zimeonya juu ya biashara yoyote ya silaha na Korea Kaskazini na kusema itakuwa ni ukiukaji wa maazimio ya Baraza la Usalama la Umoja wa Mataifa ambayo Urusi iliyaidhinisha.