Kampeni ya ‘Usinitoe Utamu'

Ipo haja ya kuhimiza juhudi za ujumla ili kufanikisha vita dhidi ya ukeketaji hasa katika maeneo ya vijijini. Ni wito unaotolewa na mashirika ya kijamii nchini Kenya, yalio na mtazamo kuwa iwapo serikali itayaleta pamoja makundi ya watu wanaoathiriwa na ukeketaji kwa njia moja au nyingine, basi ukeketaji utaweza kutokomezwa. Kupitia kampeni iliyopewa jina ‘Usinitoe Utamu’, wadau hawa wanawatumia vijana, waathiriwa pamoja ngariba walioiasi kazi hiyo ya ukeketaji, kuhimiza kukomeshwa kwa mila hiyo.