1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Siasa

Makubaliano ya kusitisha mapigano Lebanon yakiukwa

28 Novemba 2024

Israel na Hezbollah wametupiana lawama kwamba makubaliano yao ya kusitisha vita yamekiukwa. Haya yanajiri siku moja baada ya mpango huo kuanza kutekelezwa na kusitisha mapigano yaliyodumu zaidi ya mwaka mmoja Lebanon.

https://p.dw.com/p/4nX7K
Libanon | Hezbollah
Israel na Hezbollah walaumiana kwa ukiukaji wa makubaliano ya kusitisha mapiganoPicha: Adnan Abidi/REUTERS

Jeshi la Israel limesema makubaliano hayo, yaliyosimamiwa na Marekani na Ufaransa, yalikiukwa baada ya kile ilichoita washukiwa, wengine wakiwa kwenye magari, kuwasili katika maeneo kadhaa ya ukanda wa kusini. Mbunge wa Hezbollah Hassan Fadlallah aliituhumu Israel kwa kukiuka mpango huo. Amewaambia waandishi habari kuwa Israel inaendelea kuwashambulia wanaorejea kwenye vijiji vya mpakani.

Kifaru cha Israel kiliyapiga leo asubuhi maeneo sita ya ukanda huo mpakani. Maeneo hayo yote yako umbali wa kilomita mbili tu kutoka mpaka wa Lebanon na Israel. 

Israel yaendelea kuishambulia Hezbollah licha ya mpango wa usitishwaji mapigano

Jeshi la Israel limetangaza amri ya kutotembea nje usiku kusini mwa Lebanon kuanzia leo (28.11.2024) 

Wakati huo huo, Wapalestina karibu 17 wameuawa kwenye mashambulizi ya kijeshi ya Israel katika Ukanda wa Gaza. Hayo yameripotiwa na madaktari wakati vikosi vya Israel vikiendeleza mashambulizi kwenye maeneo ya kati na kuvisogeza vifaru vyao ndani kabisa kaskazini na kusini mwa ukanda huo.