Iran yaonywa na Marekani kuwekewa vikwazo vikali

Akizungumza mjini Washington, Obama alisema, hatua itakayochukuliwa na Marekani italenga kuitenga zaidi Iran. Hata kama viongozi katika ngazi za juu hawakuarifiwa kuhusu mpango huo, kuna suala la kuwajibika. Wakati huo huo, Obama amewalaumu waakilishi wa serikali ya Iran kuiongoza njama hiyo.

Hapo awali wajumbe wa serikali ya Marekani walikiri kuwa Marekani haina ushahidi thabiti kwamba viongozi wa ngazi za juu serikalini Iran, walikuwa na habari kuhusu njama hiyo. Iran inapinga lawama za kupanga kumuua balozi wa Saudi Arabia na imeituhumu Marekani kuwa inachochea vita.