1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAfrika

ICC yamhukumu Al Hassan kwa uhalifu wa kivita

Amina Abubakar
26 Juni 2024

Mahakama ya kimataifa ya uhalifu wa kivita ICC imemhukumu mkuu wa polisi wa zamani, kuhusika na uhalifu wa kivita na uhalifu dhidi ya binaadamu wakati wa utawala unaodaiwa kuwa wa kigaidi na utumwa wa kingono Timbuktu.

https://p.dw.com/p/4hXlP
Al Hassan | Mali
Mkuu wa zamani wa polisi wa Timbuktu Al Hassan Ag Abdoul Aziz Ag Mahmoud ahukumiwa kwa uhalifu wakivita Picha: Piroschka Van De Wouw/ANP/AFP/Getty Images

Al HassanAg Abdoul Aziz mwenye umri wa miaka 46, alipatikana na hatia ya makosa hayo ya uhalifu wa kivita na uhalifu dhidi ya ubinadamu, ikiwa ni pamoja na mateso, ubakaji na utumwa wa kingono na kuharibu majengo ya kidini na kihistoria.

Jaji aliyesimamia kesi hiyo Antoine Kesia-Mbe Mindua amesema Al Hassan alihusika katika visa vya kuwakata watu sehemu zao za mwili na kuwapiga watu viboko wakati alipokuwa mkuu wa polisi na wakati pia wanamgambo walio na itikadi kali walipoudhibiti mji wa Timbuktu kwa takriban mwaka mmoja kuanzia mwaka 2012. 

Mji wa kihistoria wa Timbuktu wazingirwa na wanamgambo

Hatua ya namna atakavyokitumikia kifungo chake itatangazwa hivi karibuni.  Akiwa amevalia nguo ya manjano na kitambaa cheupe cha kichwa, Al Hassan alikaa kwa utulivu kabisa akiwa amefunga mikono yake wakati wa kusikilizwa kwa kesi yake kulikochukua takriban masaa  mawili na nusu.

Jaji Mindua amesema Al Hassan pia amehojiwa kuhusu mateso yaliyotumiwa kuwalazimisha watu kukiri mambo yasiokuwa ya ukweli. 

Wakati wa kesi hiyo iliyoanza kusikilizwa mwaka 2020, waendesha mashtaka wanasema wananchi wa Timbuktu wameishi kwa hofu, wakitolea mfano kisa cha mtu aliyekatwa mkono baada ya kutuhumiwa kwa wizi.