ENYIMBA NI KLABU BINGWA YA AFRIKA 2004-KOMBE LA CHALLENGE CUP LAENDELEA ETHIOPIA NA BAYERN MUNICH NI MABINGWA WA NUSU_MSIMU WA BUNDESLIGA:

Jana Wolfsburg ilinguruma upya katika Bundesliga ilipoizaba Armenia Bielefeld mabao 5-0 na ushindi huo umeisukuma Wolfsburg nafasi ya 4 katika ngazi ya Ligi.

Bayer Leverkusen ilimudui suluhu tu bao 1:1 tena nyumbani ilipokutana naq Borussia Mönchengladbach.

Katika Ligi ya daraja ya pili ya Bundesliga-Duisburg ililaza jana FC cologne kwa bao 1 la penalty na hivyo imetawazwa mabingwa wa nusu-msimu wa daraja ya pili.Cologne, iliokua kileleni inafuata nafasi ya pili.

Bundesliga itarudi uwanjani januari 21, mwaka mpya.

TIMU YA TAIFA YA UJERUMANI ZIARANI ASIA:

Timu ya taifa ya ujerumani, mwenyeji wa kombe lijalo la dunia 2006,inaondoka leo kwa ziara ya bara la Asia kwa mapambano ya kirafiki:

Desemba 16, Ujerumani itacheza na Japan, huku miadi na Korea ya Kusini ikiwa Desemba 19 na Thailand desemba 21.

ENYIMBA WAIGIZA TP MAZEMBE –

Klabu ya enyimba ya Nigeria, jana ilitawazwa kwa mara ya pili mfululizo klabu bingwa ya Afrika baada ya kuitoa Etoile du Sahel ya Tunisia kwa mabao 5-3 ya mikwaju ya penalty katika finali ya kukata na shoka mjini Adis Ababa.

Changamoto ya jana ilimalizika kama ile ya kwanza huko Sousse kwa mabao 2-1 .Zikisimama suluhu mabao 3:3 kufuatia duru zote mbili,mikwaju ya penalty ilibidi kuamua wapi Kombe hilo la Afrika linaelekea ?

Kipa wa Enyimba Dele Aiyenugba kama alivyozima mikwaju ya klabu nyengine ya Tunisia-ESPERENCE-aliwika langoni jana mjini Abuja.Dele alizuwia mkwaju wa Sabeur Frej na kuipa Enyimba taji lake la pili.

Hivyo, Enyimba imeigiza na kusawazisha rekodi ya TP Mazembe ya Jamhuri ya Kidemokrasi ya Kongo kutwaa Kombe la klabu bingwa mara 2 mfululizo.Mazembe walifanya hivyo, 1967 na 1968.

hapo kabla diwani mkuu wa jiji la Abuja, mji mkuu wa Nigeria, aliwaahidi wachezaji wa Enyimba na viongozi wao viwanja ikiwa watalöibakisha kombe hili nyumbani Nigeria.Sasa mpira uko langoni mwa diwani kugawa viwanja hivyo.

Wakati hatima ya Kombe la klabu bingwa barani Afrika imeshaamuliwa jana ile ya Kombe la Challenge Cup

-Kombe la Afrika mashariki na kati haijulikani huko Addis Ababa,Ethiopia.Leo, ndugu wawili Tanzania-bara na Zanzibar-visiwani wanaumana katika changamoto ya kundi A.

Klabla mpambano huu rwanda ilioikomea Zanzibar mabao 4-1 ikiongoza kundi hili ikifuatwa na wenyeji Ethiopia walioichapa Burundi mabao 2:1.Tanzania-bara ikifuata nafasi ya tatu wakati zanzibar ikiburura mkia.

KUNDI B: linaongozwa na Kenya iliotoka suluhu na Sudan mabao 2:2 na Uganda ikaizaba Somalia 2:0.

Kesho Uganda inacheza na Sudan na Kenya na Somalia.

Kama nilivyosema jioni hii Tanzania-bara imekuwa na miadi na Zanzibar na Burjndi na Ruwanda:

Mwenzangu Chales Hilary amezungumza kabla timu hizo mbili za tanzania kuteremka uwanjani na Farouk Karim, makamo-mwenyekiti wa ZFA na alitaka kujua mambo yakoje huko Addis na kuhusu uongozi wa chama cha mpira cha Tanzania Bara.

Na mwishoe, Kelly Holmes,bingwa wa uingereza wa olimpik katika masafa ya mita 800 na mita 1500 mjini Athens,mwaka huu, amechaguliwa na Idhaa ya BBC ‘mwanaspoti wake wa mwaka’.Kelly Holmes alipokea kikombe cha ushindi huo kutoka kwa bingwa mwengine wa mita 800 wa Olimpik wa zamani Sebastian Coe.