Bolsonaro arejea nyumbani Brazil kuuongoza upinzani

Balsonaro alikaribishwa na mamia ya wafuasi wake katika uwanja wa ndege wa Brasilia kabla ya kuelekea moja kwa moja katika mikutano na chama chake cha kisiasa.

Bolsonaro, ambaye hakuwahi kukubali rasmi kushindwa katika uchaguzi wa mwaka jana, ameapa kuongoza upinzani dhidi ya serikali ya Rais wa siasa za mrengo wa kushoto Luiz Inacio Lula da Silva.

Rais wa zamani wa Brazil Jair Bolsonaro arejea Brazil baada ya kukaa Florida, Marekani kwa miezi mitatu

Bolsonaro alikimbilia Marekani, siku mbili kabla ya kukabidhi madaraka kwa Lula mnamo Januari mosi.

Alisema alihitaji kupumzika, lakini wakosoaji wanasema alikuwa anakwepa hatari ya kufanyiwa uchunguzi wa kisheria wa kesi kadhaa ambazo huenda akakabiliwa nazo nchini Brazil.