1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Siasa

Bolsonaro alishiriki njama ya mapinduzi dhidi ya Lula

Josephat Charo
27 Novemba 2024

Ripoti ya polisi ya kurasa 884 iliyoandaliwa baada ya uchunguzi inamhimiza Gonet amfungulie mashtaka Bolsonaro na wengine kwa kula njama ya mapinduzi na kwa kutaka kupindua dola ya kidemokrasia kwa kutumia nguvu.

https://p.dw.com/p/4nSuq
Rais wa zamani wa Brazil, Jair Bolsonaro
Rais wa zamani wa Brazil, Jair BolsonaroPicha: Rafael Dalbosco/TheNEWS2/ZUMA Press Wire/picture alliance

Polisi ya Brazil imedai katika ripoti yake iliyotolewa kwa umma jana Jumanne kwamba rais wa zamani wa Brazil Jair Bolsonaro alishiriki kikamilifu katika njama ya mapinduzi kumzuia mrithi wake Luiz Inacio Lula da Silva asiingie madarakani.

Ripoti hiyo ambayo imewasilishwa kwa mwanasheria mkuu wa Brazil Paulo Gonet pia imesema Bolsonaro alifahamu fika mpango unaodaiwa kuandaliwa na wanajeshi wa kikosi maalumu kumuua Lula, makamu wake na jaji wa mahakama ya juu kabisa ya Brazil.

Mwanasheria mkuu anayachunguzha madai hayo mazito kuona kama ushahidi unaunga mkono madai yanayowasilishwa dhidi ya Bolsonaro na watu wengine 36 washirika katika njama hiyo.