Biden amuonya Netanyahu operesheni ya ardhini mji wa Rafah

Kwenye mazungumzo kwa njia ya simu na Netanyahu jana Jumatatu, Rais Biden amemtaka kiongozi huyo kutoendelea na mipango yake ya kufanya operesheni kubwa ya kijeshi kwenye mji huo uliofurika watu.

Matamshi yake yanafuatia amri iliyotolewa na Israel ya kutaka watu wayahame maeneo kadhaa ya mji huo huku vikosi vya Israel vikiongeza mashambulizi ya anga.

Hata hivyo licha ya tahadhari hiyo, saa chache baada ya mazungumzo ya simu kati ya Biden na Netanyahu, Israel ilirejea tena onyo lake kwa Wapalestina ikiwataka kuondoka Rafah ikisema inajitayarisha kutuma vikosi vyake vya ardhini.