Bayern watamba, Leipzig wasakamwa

Wolfsburg walikuwa ugenini wakicheza na Augsburg na wakatoka huko na ushindi wa mbili moja na mpambano wa mwisho Jumamosi uliwapatanisha Eintracht Frankfurt na Borussia Moenchengladbach na Gladbach wakaebuka kidedea tatu moja.

Hapo Jumapili mabingwa watetezi ambao pia ni vinara waliingia uwanjani kuchuana na Union Berlin na waliebuka washindi wa mbili bila Robert Lewandowski na Benjamin Pavard wakifunga mabao hayo ya Bayern na FC Cologne walipoteza nafasi za wazi katika mechi yao na Mainz iliyoishia sare ya magoli mawili.

Kwa sasa Bayern Munich ndio wanaoongoza ligi wakiwa na pointi hamsini na nane baada ya mechi ishirini na sita kisha watani wao Borussia Dortmund wanawafuata kwa pointi hamsini na nne. Borussia Moenchengladbach wao ni wa tatu wakiwa na alama hamsini na mbili na Leipzig wanawafuata wakiwa alama moja nyuma. Chini ya jedwali kuna Dusseldorf katika nafasi ya kumi na sita wakifuatwa na Werder Bremen na wanaovuta mkia ni Paderborn.