Baraza la Seneti laanza kujadili hoja ya kuondolewa Gachagua

Mahakama Kuu ya Kenya ilitupilia mbali hapo jana ombi la mwanasiasa huyo aliyetaka hoja hiyo kuzuiwa na isiendelee kujadiliwa kwenye Baraza la Seneti, akidai kuwa hoja ya kumtimua ilitokana na madai ya uwongo yaliyochochewa kisiasa.

Lakini Mahakama hiyo imesisitiza hivi leo kuwa mchakato huo ni wa kikatiba na haitouingilia kabisa.

Wiki iliyopita, wabunge walipiga kura ya kumuondoa madarakani Gachagua, kwa madai ya kuchochea chuki za kikabila, ubadhirifu, na kuidhoofisha serikali, hatua iliyofungua njia kwa Baraza la Seneti kuanza kulijadili suala hilo.