BAGHDAD: Wanadiplomasia wawili wa Algeria watekwa nyara mjini Baghdad

Wanadiplomasia wawili wa Algeria wametekwa nyara mjini Baghdad hii leo. Maofisa wa polisi wamesema watu waliokuwa na bunduki waliwatoa kutoka kwenye motokaa yao, Ali Belaroussi, na Ezzedin Ben Kadi, katika wilaya ya Mansour, magharibi mwa Baghdad.

Mapema mwezi huu magaidi waliwashambulia wanadiplomasia wengine kutoka mataifa ya kiislamu, katika eneo hilo la magharibi mwa Baghdad.