1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Asili na mazingiraKimataifa

Azerbaijan kutoa pendekezo jipya la ufadhili wa tabianchi

22 Novemba 2024

Mkutano wa mabadiliko ya Tabia Nchi, COP29, unaofanyika Baku nchini Azerbaijan unatarajiwa kumalizika Ijumaa. Mwenyeji Azerbaijan anatarajiwa kutoa pendekezo jipya la kufikiwa muafaka muhimu wa ufadhili wa tabia nchi.

https://p.dw.com/p/4nIRl
Wanaharakati wa mabadiliko ya tabianchi katika mkutano wa COP29
Kuna mianya baina ya nchi tajiri na zinazostawi kuhusu ufadhili wa kupambana na athari za mabadiliko ya tabianchiPicha: Aziz Karimov/REUTERS

Mataifa yamegawanyika kuhusu makubaliano ya ufadhili wa dola trilioni moja, yanayotarajiwa kuchukua nafasi ya ahadi ya kila mwaka ya dola bilioni 100 iliyotolewa na mataifa tajiri kusaidia nchi zinazoendelea kukabiliana na mabadiliko ya tabianchi. Azerbaijan ambayo ndio inashikilia urais wa COP29 imesema katika taarifa kuwa "imetiwa moyo na kiwango cha wepesi kinachooneshwa na washiriki” na itatoa rasimu mpya leo Ijumaa.

Soma pia: Dunia bado imegawanyika kuhusu fedha wakati muda ukiyoyoma COP29

Azerbaijan ambayo ndio inashikilia urais wa COP29 imesema katika taarifa kuwa “imetiwa moyo na kiwango cha wepesi kinachooneshwa na washiriki” na itatoa rasimu mpya Ijumaa. Rasimu hiyo mpya inatarajiwa kutoa takwimu za kifedha baada ya waraka wa awali uliotolewa jana Alhamisi kusema kuwa nchi zinazoendelea zilihitaji angalau dola trilioni fulani kwa mwaka lakini ikaondoa kiasi kamili cha fedha.