1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Michezo

Arteta: Nina matumaini ya kubeba taji msimu huu

Jacob Safari
21 Agosti 2023

Baada ya kutumia zaidi ya paundi milioni 200 kukiboresha kikosi chake kwa kununua wachezaji wapya, kocha wa Arsenal Mikel Arteta anasema anafurahia jinsi wachezaji wake walivyoingiliana vyema.

https://p.dw.com/p/4VPV3
Ligi Kuu ya England | Mikel Arteta
Kocha wa Arsenal Mikel ArtetaPicha: Kirsty Wigglesworth/AP Photo/picture alliance

Arteta anasema kwamba ana matumaini makubwa msimu huu kwa kuwa ana wachezaji wa kutosha tena walio bora. Ameyasema haya kuelekea mechi yao ya pili ya Ligi Kuu ya England watakayoicheza usiku wa Jumatatu ugenini, watakapowatembelea Crystal Palace katika uwanja wa Selhurst Park.

Kocha huyo vile vile amelalamikia ratiba iliyojaa mechi ya msimu huu akisema anawahofia wachezaji wake, kwani tayari kumeshuhudiwa majeraha mabaya ya goti miongoni mwa wachezaji katika timu tofauti.

Mmoja wa wachezaji walionunuliwa na Arsenal katika dirisha hili la uhamisho Jurrien Timber alijeruhiwa katika mechi ya kwanza wiki mbili zilizopita na atakuwa nje kwa miezi kadhaa.

Kevin De Bruyne wa Manchester City, Tyrone Mings na Emu Buendia wa Aston Villa na Thibaut Courtois na Eder Militao wa Real Madrid ni baadhi tu ya wachezaji waliopata majeraha makubwa yatakayowaweka nje kwa muda mrefu.

Chanzo: DPAE/APE/Reuters