1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaUmoja wa Falme za Kiarabu

Afisa wa UAE kuzuru Qatar

Rashid Chilumba
5 Desemba 2022

Afisa wa ngazi za juu wa Umoja wa Falme za Kiarabu anazuru Qatar hii leo kwa ziara ya kushtukiza kwa mara ya kwanza tangu alipoongoza ususiaji wa ushirikiano wa kidiplomasia na taifa hilo.

https://p.dw.com/p/4KTwu
Kamala Harris trifft Präsidenten der VAE
Picha: REUTERS

Kiongozi wa Umoja wa Falme za Kiarabu Sheikh Mohammed bin Zayed Al Nahyan, amefanya ziara ya kushtukiza nchini Qatar leo, ikiwa ni ya kwanza tangu alipoongoza hatua ya mataifa manne ya kiarabu ya kuisusa Qatar kidiplomasia kwa zaidi ya miaka mitatu. 

Shirika la habari la serikali la WAM, limeripoti kuwa sheikh Muhammad ambaye pia ndiye mtawala wa Abu Dhabi anaitembelea Qatar kwa mwaliko wa kiongozi wa nchi hiyo ya Ghuba, Sheikh Tamim bin Hamad Al Thani.

Sheikh Mohammad alizingatiwa na wachambuzi kuwa moja ya vinara wakuu wa kuisusa Qatar kidiplomasia kuanzia mwaka 2017, uamuzi uliozusha mzozo mkubwa wa kisiasa kwenye ulimwengu wa kiarabu.

Ususiaji huo uliozijumuisha pia Bahrain, Saudi Arabia na Misri ulihusisha kuzuiwa kwa njia za usafiri wa angani na baharini. Mvutano huo ulimalizika Januari 2021 muda mfupi kabla ya rais Joe Biden kuchukua madaraka nchini Marekani.