Një i panjohur sulmon kalimtarë në Erfurt

Një person i panjohur sulmoi dhe plagosi dy kalimtarë në rrugë në Erfurt. Personi mori më pas arratinë, bëri të ditur policia në kryeqytetin e Tyringisë. Atë po e kërkojnë ndër të tjera me një helikopter policie dhe qenë gjurmues. Viktimat u dërguan në spital

Dy personat që u sulmuan, të moshës 45 dhe 68 vjeç, u dërguan në spitalet pranë për t'u mjekuar. Jetët e tyre nuk janë në rrezik, u bë e ditur. Ende nuk ka informacion mbi prapavijën e sulmit.

Sipas policisë, autori i dyshuar besohet se është midis 20 dhe 30 vjeç dhe ka një fytyrë me vraga. Hetuesit shpresojnë të marrin informacione nga dëshmitarët.

Ky sulm të kujton sulmin me shumë viktima me thikë të premten në qendër të Würzburg-ut.

Prapavija dhe motivi i autorit të sulmit në Würzburg nuk janë sqaruar përfundimisht. Ministri i Brendshëm bavarez Hermann tha se nuk mund të thuhet ende nëse i dyshuari duhet të klasifikohet si terrorist. Somalezi 24-vjeçar kishte qenë vazhdimisht në trajtim psikiatrik. Në të njëjtën kohë, ka të dhëna se ai ishte shprehur në mënyrë islamike. 

Aktin e Würzburgut, zëdhënësi i qeverisë gjermane, Steffen Seibert e vlerësoi si akt të brutalitetit dhe keqdashjes së pakuptueshme. Dhembshuria është te viktimat dhe familjet e tyre, tek të plagosurit rëndë dhe te ata që ishin dëshmitarë të ngjarjes të tmerrshme. Qeveria federale shpreson që të prekurit do të shërohen në trup dhe në shpirt.
 

aud (dpa, dlf, mdr, afp, rtr)