Nisje tjetër raketash?

Qeveria ameriane i ndjek me kujdes të gjitha njoftimet për përgatitjet përkatëse, tha në Uashington zëdhënësi i qeverisë, Jay Carney. "Ne nuk do të çuditeshim nëse një aksion i tillë ndodh." Phenjani ka bërë edhe në të kaluarën prova me raketa. Një hap i tillë do t`i përshtatej retorikës aktuale të luftës të regjimit komunist.

Avionë amerikanë pa pilot në Japoni

Ushtria amerikane është duke vendosur avionë spiunazhi në Japoni. Avionët pa pilotë Global Hawk do të vendoset në bazën ushtarake amerikane Misaëa në veri të vendit, njofton gazeta japoneze "Sankei Shimbun". Ushtria amerikane ka informuar Japoninë për planet e saj muajt e kaluar, për t`i vendosur avionët e spiunazhit midis muajve qershor dhe shtator në bazën ushtarake, për shkak të tensioneve me Korenë e Veriut, por tani është duke e bërë më parë këtë hap. Ky është stacionimi i parë amerikan i këtij lloji në Japoni.

Carney tha më tej se SHBA janë duke bashkëpunuar me Kinën dhe Rusinë për të ushtruar ndikim mbi Korenë e Veriut. Vendi komunist duhet t`i japë fund provokimeve dhe duhet të respektojë detyrimet ndërkombëtare. Koreja e Veriut ka kërcënuar SHBA prej ditësh me një sulm atomike.

Sipas një njoftimi të Agjencisë Koreano-jugore të lajmeve Yonhap, Koreja e Veriut ka vendosur dy raketa me rreze të mesme veprimi në bregun lindor. Atje ato janë montuar në granatahedhës mobil. Raketat kanë rreze veprimi 4 mijë kilometra dhe mund të godasin kështu objektiva në Korenë e Jugut, Japoni ose në një bazë ushtarake amerikane në ishullin e Paqësorit, Guam. Si reaksion marina e Koresë së Jugut dërgoi dy shkatërruesa të pajisur më radarë specialë, për të regjistruar nisjen e mundshme të ndonjë rakete.

Koreja e Veriut nxit largimin e diplomatëve

Ditën e premte shteti komunist i kujtoi shumë vendeve të largojnë diplomatët nga kryeqyteti Phenjan, ndër të cilat Rusinë, Kinën dhe Britaninë e Madhe e Gjermaninë. Nuk u bë kërkesë për largimin e diplomatëve nuk është bërë, thanë diplomatë nga Britania e Madhe, Rusia dhe Rumania. Nuk ka as plane për këtë. Ambasadat e shtatë vendeve të BE-së të përfaqësuara në Korenë e Veriut, do të këshillohen ditën e shtunë për një qëndrim të përbashkët. Aktualisht, Gjermania nuk do të tërheqë diplomatët e vet.

Ambasadat janë paralajmëruar se "në rastin e një konflikti mbas 10 prillit", Koreja e Veriut nuk do të jetë në gjendjë të mbrojë ambasadat dhe organizatat ndërkombëtare, tha një zëdhënës. Vëzhgues nuk përjashtojnë mundësinë që me rastin e 101 vjetorit të lindjes së themeluesit të shtetit Kim Il Sung, gjyshit të pushtetmbajtësit aktual Kim Jong Un, të lëshohet më 15 prill një raketë.

Teherani tregon mirëkuptim – Castro jo

Tensionet në gadishullin korean janë ashpërsuar shumë pas testit të tretë atomik të Koresë së Veriut. Si përgjigje ndaj sanksioneve të reja të KB, Phenjani njoftoi prishjen e armëpushimit me jugun dhe vendosi gjendjen e luftës me Korenë e Jugut ditën e shtunë më (30.03.2013). Ditën e enjte shefi i shtabit të ushtrisë koreano- veriore bëri të ditur se është dhënë drita jeshile për një sulm atomik mbi SHBA. Sipas mendimit të ekspertëve, vendi komunist nuk zotëron raketat e duhura për këtë.

Mbështetje për Korenë e Veriut jep Irani, i cili po ashtu ndodhet nën presion ndërkombëtar për shkak të programit të vet atomik. Duke patur parasysh "politikën luftënxitëse të SHBA", ky vend aziatiko-jugor nuk ka zgjidhje tjetër veç asaj të mbrojtjes, citon agjencia e lajmeve Fars, të ketë thënë zëvendësshefi i ushtrisë iraniane, Massoud Jazayeri.

Ish shefi kubanez i shtetit Fidel Castro paralajmëroi udhëheqjen e Phenjanit që të përmbahet. Koreja e Veriut ka demostruar trimërinë e vet. Tani është koha që të kujtojë detyrimet që ka kundrejt të tjerëve, shkruante 88 vjeçari për mediat shtetëriore. Rreziku i një shkatërrimi atomik nuk ka qenë asnjëherë kaq i madh, që prej krizës së Kubës.