Koreja e Veriut mbyll reaktorin bërthamor të Yongbyon-it

Koreja e Veriut njoftoi se ka mbyllur reaktorin më të rëndësishëm bërthamor në Yongbyon. Inspektorët e Agjencisë ndërkombëtare për energjinë bërthamore kanë nisur verifikimet rreth mbylljes së këtij kompleksi. Reaktori në Yongbyon u mbyll vetëm disa orë pas arritjes së anijes së parë me naftë në kuader të ndihmave ndërkombëtare për Korenë e Veriut. Ministria e Jashtme koreano-jugore tha se ky hap i qeverisë koreano-veriore është një dëshmi e angazhimit të saj ndaj procesit të mbylljes së impiantit bërthamor.