شخړيپاکستان
پاکستان: په چاڼيزو عملیاتو کې ۳ عسکر او ۸ وسله وال وژل شوي
۱۴۰۳ آبان ۱۰, پنجشنبه
اعلان
اسوشتید پریس د رپوټ په حواله، دغه عملیات د چهارشنبې په ورځ د پاکستان د خیبر پښتونخوا په بنو علاقه کې شوي چې پاکستاني ځواکونو پکې د څرخي الوتکو ملاتړ هم درلود.
د خیبر پښتونخوا د بنو علاقې د پولیسو افسر زاهدالله وويل چې باور کيږي چې د وژل شوو وسله والو په ډله کې د هغوی یو قوماندان هم شامل وي.
د پاکستان پوځ ويلي دي چې دغه عملیات د استخباراتي معلوماتو پر اساس پيل شول چې د وژل شوو پوځیانو په ډله کې يو ېې جګړن دی. پوځ زیاته کړې ده چې امنيتي ځواکونو «د تروریستي ګواښونو د له منځه وړلو په موخه» د سیمې په نورو برخو کې خپلو عملیاتو ته ادامه ورکوي.
د پاکستان پوځ ډېر وخت د خیبر پښتونخوا ایالت په مربوطاتو کې د پاکستاني طالبانو پرضد چاڼيز عملیات ترسره کوي. پاکستاني طالبان یا تحریک طالبان پاکستان (TTP) تر ډېره په خیبر پښتونخوا کې فعال دي.
(AP)mks/nz