پاکستان: د یوه موټر په چپه کیدو کي ۲۴ کسان مړه سوي

د پولیسو په حواله دغه پيښه د جمعې په ورځ (د اگست ۳۰ مه) د خیبر پښتونخوا ایالت په یوه غرنۍ سیمه کي هغه وخت رامنځته سوه کله چي د یوه فامیل غړو غوښتل یوه واده ته ولاړ سي. د هغوی په خبره دغه پیک اپ موټر ډیر ډک ؤ. خو د پيښي پر وخت اتو تنو وکولای سول، له موټر څخه ځانونه وغورځوي او وژغورل سي. د دغي پيښي د رامنځته کیدو علت تر اوسه پوري معلوم نه دی.

په پاکستان کي دغه ډول ترافیکي واقعې هر وخت رامنځته کیږي ځکه چي ترافیکي مقررات او امنیتي تدابیر اکثرأ له پامه غورځول کیږي. د بلي خوا یې ډیر سړکونه کنډ و کپر دي.

زموږ د ارشیف څخه یو انځوریز البوم:( 25.02.2017)