پاکستان: بمي چاودني ۵۵ کسانو ته مرگ ژوبله اړولې
۱۳۹۰ شهریور ۲۴, پنجشنبه
د لويردير، سيمه، چي دغه پيښه پکښي رامنځ ته سوې د افغانستان پولي ته څيرمه پرته ده. په دغه پيښه کي لږ تر لږه ۳۵ تنه ټپيان سوي هم دي.
د پوليسو يو چارواکي، سليم مروت، رويټرز خبري آژانس ته ويلي:
« دا يو ځانمرګي بريد وو، او پيښه هله رامنځته سوه کله چي خلکو د جنازي لمونځ ادا کوه.»
پاکستاني طالبانو په نږدې وخت کي د دولت پر پلويانو باندي په خپلو بريدونو کي ډيروالی راوستی. تيره ورځ هم د پاکستان د خيبر پښتونخوا مرکز پيښور ته څيرمه د ښوونځي پر يو سرويس هم ډزي سوي وې، چي په پايله کي يې د موټر چلوونکو په شمول د ښوونځي ۴ تنه ماشومان هم وژل سوي ول.
د دغي پيښه پړه پاکستاني طالبانو پر غاړه اخيستي وه او ويلي يي ول، چي پر موټر يي ځکه بريد کړی، چي په موټر کي سپاره ماشومان د هغه قبايلي مشرانو اولادونه وو چي د دولت ملاتړي دي.
د روان کال د اګست په ۳۱مه نيټه د پاکستان په قبايلي سيمه، باجوړ، ايجنسي کي هم طالبانو د مومند قبايلو هغه ماشومان چي د اختر د خوښيو د لمانځلو لپاره د افغانستان پولي ته څيرمه غرونو ته په ميلي وتل ول، د پاکستاني طالبانو له خوا نږدې۲۰ تنه ونيول سول او ځيني نور ترينه په تيښته بريالي سول.
طالبان اوس د دغه برمته سوو کسانو په مقابل کي د خپلو بندي طالبانو د راپريښودولو غوښتنه کوي.
اژانسونه/ سيدرياض
کتونکي: نجيب الله زيارمل