هرات: رضاکاران د قربانیانو په لټه کې دي

د اکتتوبر میاشتې د اوومې نیتې په سهار، په هرات ولایت کې زلزلې وشوې. په افغانستان کې په ځانګړې توګه د هندوکش غرونو په سیمه کې وخت نا وخت پیاوړې زلزلې کيږي.

یوازې څو ساعته وروسته، نورې پیاوړې لړزې هم رامنځ ته شوې. زلزلې تر ۱۲ ډیرو کلیو ته سخت زیان رسولی دی. د دغو سیمو اوسیدونکي لا وختي د وچکالۍ له کبله له سخت وضعیت سره مخامخ ول.

د سیمې اوسیدونکو په ډیرو کمو امکاناتو د ژوندي پاتو شویو کسانو د ژغورنې هڅې پیل کړې دي.

د زنده جان ولسوالۍ په سربلند کلي کې دغه کورنۍ تر زلزلې وروسته د ژوند ډیر لومړني امکانات هم نه لري.

د افغانستان په کلیو کې ډیر وخت لویې کورنۍ په يوه کور کې ژوند کوي، ځکه نو د زلزلې له کبله د تلفاتو شمیر هم لوړ دی. دا تر زلزلې وروسته د یوې کورنۍ ټول پاتې مال دی.

ځایي واکمنان وایي چې زلزلې ۱۳ کلیو ته سخت زیان اړولی دی. دا چې په دغو کلیو کې ډېر کورونه خامه دي، نو د زلزلې تلفات هم لوړ دي.

ځايي اوسیدونکو د قربانیانو په ښخولو پیل کړی دی. سیمو ته د مرستو رسول او د بیا رغونې چارې ښايي ډیر زیات وخت ونیسي.